Ronalduning Saudiyada sovrinsiz qolishiga sabab nima?
Futbolchining o‘zi buni tushuntirdi.
“Al-Nasr” hujumchisi Krishtianu Ronaldu Saudiya klubidagi sovrinlarsiz o‘tgan mavsum haqida gapirdi.
"Har doim ham hammasi biz xohlagan yoki orzu qilgandek ketavermaydi. Baʼzan maqsadlarimizga erishish uchun sabrli, barqaror va qatʼiyatli bo‘lishimiz kerak. Baʼzan maqsadlarga erishish uchun vaqt kerak bo‘ladi, lekin agar ishonsak, hammasi amalga oshadi. Men bu mavsumda nimadir yutaman deb umid qilgandim, ammo buni uddalay olmadik. Lekin, meni haqiqatan ham kayfiyatim yaxshi va ishonchim komilki, hamma narsa o‘zgaradi va yaxshiroq yo‘nalishda ketadi. Keling, bunga ishonamiz va buning ustida ishlaymiz", - dedi Ronaldu
Eslatib o‘tamiz, Ronaldu 2022/2023 yilgi mavsumni "Manchester Yunayted"da boshlagan, biroq keyinchalik murabbiy va klub rahbariyati bilan kelishmovchilik tufayli jamoani tark etgandi. Saudiya Arabistoni chempionatining so‘nggi mavsumida portugaliyalik futbolchi 16 ta o‘yinda ishtirok etib, 14 ta gol urdi va 2 ta golli uzatmani amalga oshirdi.
Maʼlumot o‘rnida: “Al-Nasr” Saudiya Arabistoni chempionatida ikkinchi o‘rinni egalladi va Saudiya kubogidan chetlashtirildi.
