"Tottenhem" Garri Maguayrga qiziqish bildirmoqda
Ten Xag futbolchini “hoziroq” sotishga tayyor.
"Manchester Yunayted" himoyachisi Garri Maguayr faoliyatini “Tottenhem”da davom ettirishi mumkin. "Daily Mail" nashrining xabariga ko‘ra, futbolchiga London klubi qiziqish bildirmoqda. Futbolchining Manchesterliklar bilan kelajagi so‘roq ostida, chunki bosh murabbiy Erik ten Xag uni yozda sotishga tayyor.
Qayd etilishicha, “Tottenhem” Anjelos Postekoglu bosh murabbiy etib tayinlanganidan keyin transfer maqsadlarini rejalashtirmoqda. Maguayr shulardan biri bo‘lishi mumkin.
Eslatib o‘tamiz, "Manchester Yunayted" Maguayrni 2019-yilda “Lester”dan 87 million yevro evaziga sotib olgan edi. Joriy mavsumda markaziy himoyachi "qizil iblislar" safida barcha musobaqalarda 32 ta o‘yinda maydonga tushdi.
