Arablar Son Xyon Minga qiziqmoqda
Futbolchiga yiliga 30 million yevro to‘lashmoqchi.
Londonning “Tottenhem” klubida to‘p surayotgan koreyalik hujumchi Son Xyon Minga Arabistonning “Al-Ittihod” klubidan katta taklif tushdi. “ESPN” nashrining xabariga ko‘ra, klub futbolchini to‘rt mavsum davomida o‘z safiga qo‘shib olishga va unga yiliga 30 million yevro to‘lashga tayyor. Klub yaqinda fransiyalik hujumchi Karim Benzema bilan shartnoma imzolagandi. Endi u 30 yoshli koreyalik futbolchining transferi uchun “Tottenhem”ga 60 million yevro taklif qilishga tayyor. Biroq qayd etilishicha, “shporlar” futbolchini sotishdan manfaatdor bo‘lmasligi mumkin.
Eslatib o‘tamiz, “Al-Ittihod” Sondan tashqari “Chelsi” yarim himoyachisi NʼGolo Kanteni ham maqsad qilgan.
