Janubiy Koreyadagi toshqin qurbonlari soni yana oshdi
Avvalroq, halok bo‘lganlar 37 nafarga yetgani eʼlon qilingandi.
Janubiy Koreyada yomg‘ir oqibatida ko‘chki va suv toshqini qurbonlari soni 49 kishiga yetgani maʼlum qilindi. Bu haqda Yonhap agentligi xabar bermoqda.
"Jabrlanganlar soni ortishi mumkin", — deyiladi xabarda.
Qayd etilishicha, ayni damda qutqaruvchilar o‘ndan ortiq avtomobilni suv ostida qolishi kutilayotgan yer osti tunnelini quritish bo‘yicha operatsiyani olib bormoqda.
Qo‘shimcha qilinishicha, butun mamlakat bo‘ylab 10 570 kishi yomg‘ir tufayli evakuatsiya qilgan.
Yomg‘irlar, shuningdek, 628 ta davlat obyekti va 317 ta boshqa xususiy mulkka zarar yetkazgan. Jumladan, 146 ta yo‘l vayron bo‘lgan yoki o‘pirilib ketgan va 139 ta uy suv ostida qolgan.
Kuchli yomg‘irlar natijasida butun mamlakat bo‘ylab jami 28 607 xonadon elektr taʼminotidan mahrum bo‘ldi. Rasmiylar bugundan boshlab ushbu uy xo‘jaliklarining ko‘pchiligida elektr quvvati qayta ishlay boshlashini aytmoqdadi.
Avvalroq, qurbonlar soni 37 nafarga yetgani eʼlon qilingandi.
