Qozog‘istonda Alisher Navoiy haykali o‘rnatildi
Bu haqda O‘zbekiston Yozuvchilar uyushmasi maʼlum qildi.
Ostona shahri markazida buyuk o‘zbek shoiri, davlat arbobi Alisher Navoiy haykali o‘rnatildi.
“Balandligi to‘rt metrdan ortiq bo‘lgan mazkur haykal O‘zbekiston xalq rassomi, haykaltarosh Jasvant Annazarov tomonidan yaratildi va Ostona shahrida o‘rnatildi”, - deyiladi xabarda.
Maʼlumot o‘rnida, o‘tgan yili O‘zbekiston va Qozog‘iston prezidentlari ikki mamlakat delegatsiyalarining kengaytirilgan tarkibi bilan muzokaralari davomida Ostona shahri markazida buyuk o‘zbek shoiri, davlat arbobi Alisher Navoiy haykalini o‘rnatish bo‘yicha qaror qabul qilingan edi.
