Gomes “Al-Ittihod”ning nishoniga aylandi
Inglizlar esa futbolchi bilan xayrlashishni istamayapti.
“Liverpul” markaziy himoyachisi Jo Gomes Saudiyaning “Al-Ittihod” klubi eʼtiborini tortmoqda. Bu haqda taniqli insayder Fabritsio Romano xabar berdi.
Manbaga ko‘ra, 26 yoshli Gomes “Al-Ittihod” himoya chizig‘ini kuchaytira oladigan futbolchilar ro‘yxatiga kiritilgan. Saudiyaliklar angliyalik futbolchini himoya markazida va qanotda o‘ynay oladigan ko‘p qirrali futbolchi sifatida ko‘rmoqda. Shu bilan birga, “Liverpul” yozgi transfer oynasining so‘nggi kunlarida asosiy tarkib futbolchilari bilan xayrlashishni istamayapti.
Eslatib o‘tamiz, Gomes “mersisaydliklar” klubida 2015 yildan buyon o‘ynab kelmoqda. O‘tgan mavsumda angliyalik futbolchi ichki chempionatda 21 ta o‘yinda maydonga tushdi, biroq birorta ham samarali harakatga erisha olmadi.
