«Dok-1 Maks» laboratoriya tekshiruvidan o‘tmagan
Bu haqda ayblanuvchilardan biri maʼlum qildi.
65 nafar o‘zbekistonlik bolaning o‘limiga sabab bo‘lgani aytilayotgan «Dok-1 Maks» siropi davlat ro‘yxatidan o‘tkazilayotganda laboratoriya tekshiruvidan o‘tmagani aniqlandi.
Bu haqda 6 sentyabr kuni bo‘lib o‘tgan sud majlisida so‘z olgan sudlanuvchilardan biri G.S. “Dori vositalari, tibbiy buyumlar va tibbiy texnika ekspertizasi va standartlashtirish davlat markazi” DUKda 12 yildan beri faoliyat yuritayotgan bo‘lsa, faoliyati davomida biror marta qayta ro‘yxatdan o‘tkazilayotgan doriga laboratoriya sinovlari o‘tkazilganini eslolmasligini bildirdi.
Uning aytishicha, «Dok-1 Maks» siropini qayta ro‘yxatdan o‘tkazish jarayonida siropdan namunalar olingan bo‘lsa-da, ular laboratoriyadan o‘tkazilmagan.
