Uloq-ko‘pkarining olomon-ko‘pkaridan qanday farqi bor — fotoreportaj
Xivada Xalqaro etnosport festivalining ikkinchi kungi bahslari bo‘lib o‘tmoqda. “Ichan-qalʼa” majmuasida chavandozlar bellashuvlari qizg‘in tusga kirgan.
Ayni damda uloq-ko‘pkari sport turi bo‘yicha ham bellashuvlar o‘tkazilmoqda.
Bo‘lib o‘tayotgan ushbu uloq-ko‘pkari musobaqasi xalqimizning sevimli olomon-ko‘pkari o‘yinidan tubdan farq qiladi.
Etnosport festivali doirasida o‘tayotgan mazkur sport turi bo‘yicha bahslarda ikki jamoa g‘oliblik uchun kurash olib boradi va har bir jamoadan to‘rttadan ishtirokchi qatnashadi.
Olomon-ko‘pkarida esa chavandozlarning soni cheklanmagan bo‘lib, unda 100 nafardan 500 nafargacha bo‘lgan polvonlar maxsus sovrin uchun bellashishadi.
“Ichan-qalʼa” majmuasida o‘tayotgan ot sporti musobaqalarida dunyoning o‘ndan ortiq davlatidan chavandozlar ishtirok etishmoqda.
