Sayyora iqlimini saqlab qolish uchun 275 trillion dollar kerak
Investorlar guruhi hozirda atigi 11 trillion dollarlik aktivlarga ega, xolos. Bu ekologik maqsadlarga erishish uchun zarur bo‘lgan mablag‘dan 25 baravar kam.
Bloomberg nashriga ko‘ra, bir guruh institutsional investorlar yetakchi davlatlarni iqlimni saqlab qolish va 2050 yilgacha yashil energiyaga o‘tishga erishish uchun jami 275 trillion dollar sarmoya jalb qilishga chaqirdi.
Investorlar guruhi hozirda atigi 11 trillion dollarlik aktivlarga ega, xolos. Bu ekologik maqsadlarga erishish uchun zarur bo‘lgan mablag‘dan 25 baravar kam.
Qazib olinadigan yoqilg‘iga qaramlikni bartaraf etish va kam uglerodli kelajakka o‘tish uchun katta investitsiyalar kerak. Mutaxassislar qayta tiklanadigan energiya manbalariga o‘tish uchun milliy hukumatlar qatʼiy va aniq pozitsiya ishlab chiqishi kerakligini aytmoqda.
Xalqaro iqlimshunoslar guruhi tomonidan olib borilgan tadqiqotlardan maʼlum bo‘lishicha, 77 yildan keyin global isish tufayli abadiy muzliklar ulushi 93 foizga qisqarishi mumkin. Bunday ssenariyni amalga oshishi esa odamlar hayoti va infratuzilmalarga jiddiy xavf soladi.
