Sergelidagi portlashda jabrlangan uy egalariga yetkazilgan zarar qoplanadi
Bu haqda favqulodda hodisa joyiga yetib kelgan Toshkent shahar hokimi Shavkat Umurzoqov maʼlum qildi.
Avval xabar qilganimizdek, Bugun, 28-sentabr kuni Toshkent shahar Sergeli tumani “Quruvchilar” dahasida joylashgan omborxonada kuchli chaqnash oqibatida yong‘in sodir bo‘ldi. Ayni paytga qadar berilgan maʼlumotlarga ko‘ra, portlash va yong‘in oqibatida jarohatlanganlar bor, qurbonlar haqida maʼlumot yo‘q, hududdagi qator xonadonlar va boshqa obyektlar jiddiy zararlangan.
Maʼlum qilinishicha, Sergeli tumanidagi portlash va yong‘in bo‘yicha vaziyat Toshkent shahar hokimligi tomonidan to‘liq nazoratga olingan. Quruvchi massividagi portlashda jabrlangan uy egalariga yetkazilgan zarar qoplanadi.
“Moddiy zarar 2-3 kun ichida qoplanadi, bu muammolarni hal qilamiz”, — dedi favqulodda hodisa joyiga yetib kelgan Toshkent shahar hokimi Shavkat Umurzoqov.
