Futbol: O‘zbekiston U-23 jamoasi Ispaniyaga qarshi durang o‘ynadi
Endi O'zbekiston jamoasi navbatdagi o'yinda Misr futbolchilariga qarshi maydonga tushadi.
O‘zbekistonlik futbolchilar nomdor Ispaniya jamoasiga qarshi mardonavor o‘yin ko‘rsatdi.
Toshkentdagi “Bunyodkor” stadionida futbol bo‘yicha O‘zbekiston va Ispaniya yoshlar terma jamoalari o‘rtasida o‘rtoqlik uchrashuvi bo‘lib o‘tdi.
O‘zbekistonlik futbolchilar ilk daqiqalardan ancha faol harakat qilishdi. Nomdor Ispaniya jamoasi ham qator hujumlar uyushtirdi. Biroq har ikki jamoa harchand urinmasin, birinchi bo‘limda hisob ochilmadi.
Ikkinchi bo‘limda ham hisob ochilmadi. Qo‘shib berilgan to‘rt daqiqadan jamoalar unumli foydalana olishmadi. Natijada O‘zbekiston va Ispaniya o‘rtasidagi bahs nursiz durang bilan yakunlandi.
Endi O‘zbekiston jamoasi 16-oktabr kuni Misrga qarshi navbatdagi o‘yinda maydonga tushadi.
