Italiyada xavfli kasallik tashuvchi chivinlar paydo bo‘ldi
Ular yuqori harorat tufayli ko‘paymoqda.
Italiyada olimlar halokatli kasalliklarni tashuvchi chivinlarning g‘ayritabiiy darajada yuqori faolligini qayd etishdi. Bunday holat mamlakatda so‘nggi oylarda hukm surayotgan issiq ob-havo bilan bog‘liq.
Mutaxassislarning fikricha, Aedes albopictus turiga mansub chivinlar paydo bo‘lgan. Ushbu turning soni 30 foizga oshgani aniqlandi.
OAV xabarlariga ko‘ra, chivinlarning yuqori faolligiga qarshi ko‘plab shaharlarda qo‘shimcha dezinfeksiya ishlari olib borilmoqda. Biroq ko‘plab italiyaliklar hali ham bu hasharotlarning shovqini va og‘riqli chaqishi haqida shikoyat qilmoqda. Mutaxassislarning ogohlantirishicha, chivinlar turli kasalliklarni olib yurishi mumkin: dang isitmasi, Zika virusi, chikungunya isitmasi va boshqalar.
