Ilon Mask yevropaliklar uchun X'ni bloklamoqchi
Tadbirkor Yevroittifoq qonunlariga amal qilishni istamaydi.
Amerikalik biznesmen Ilon Mask Yevrokomissiya tomonidan qabul qilingan yangi tartibga soluvchi qonunlarga amal qilmaslik uchun Yevropa Ittifoqi mamlakatlarida X (Twitter)ga kirishni bloklashni ko‘rib chiqmoqda.
OAVning ta'kidlashicha, hozirda kompaniya rahbarlari Yevropa Ittifoqidagi foydalanuvchilar uchun unga kirishni bloklash imkoniyatlarini muhokama qilmoqda.
''Raqamli xizmatlar to'g'risida''gi qonun joriy yilning avgust oyida kuchga kirdi. Bu yirik onlayn platformalardan noto'g'ri, chalg'ituvchi va zararli ma'lumotlarni moderatsiya qilish (olib tashlash) uchun samarali va shaffof tizimlarga ega bo'lishini talab qiladi.
Yevropa Ittifoqi komissari Tyerri Breton o‘tgan hafta Komissiya ijtimoiy tarmoqning yangi qonunga muvofiqligini rasman tekshirib ko‘rishini aytdi va platformadan zaharli ma’lumotlarni olib tashlash bo‘yicha harakatlar haqida batafsil ma’lumot so‘radi.
U, shuningdek, Ilon Maskni HAMASning Isroilga hujumidan keyin o‘zining platformasida noto‘g‘ri ma’lumotlar tarqalishiga qarshi kurashishga chaqirdi.
