Kolumbning maktubi 3,71 million yevroga sotildi
U "Yangi kashf etilgan orollarda" deb nomlanadi.
Kristofer Kolumbning maktubi auksionda 3,71 million yevroga sotildi. Maktub "Yangi kashf etilgan orollarda" deb nomlanadi, unda tadqiqotchi orollarning relyefi va aholisi haqida yozgan.
Yangi dunyoning kashfiyoti to‘g‘risidagi maktub to‘rt varaqdan iborat bo‘lib, matn ispan tilidan lotin tiliga tarjima qilingan. Kolumb buni qirol Ferdinandning xazinachisi Gabriyel Sanchesga yozgan.
O‘sha paytda bu xabar Yevropa bo‘ylab tez tarqalgan va odamlarning dunyoning o‘lchami, shakli va imkoniyatlari haqidagi tushunchasini o‘zgartirgan birinchi ommaviy axborot vositasining ko‘rinishi edi.
