Toshkent viloyatida 6 ta mashina ishtirokida YTH sodir bo‘ldi
Bunga haydovchilar oraliq masofani saqlamagani sabab bo‘lgan.
Toshkent viloyati O‘rta Chirchiq tumanida 6 ta mashina ishtirokida yo‘l-transport hodisasi sodir bo‘ldi.
Viloyat YHXB xabariga ko‘ra, hodisa 21-oktabr kuni soat 20:00 larda tuman hududidan o‘tgan 4R-22 avtomobil yo‘lining 20-kilometrida sodir bo‘lgan.
Maʼlum qilinishicha, 6 ta transport vositasi to‘qnashib ketgan. Bunga haydovchilar oraliq masofani saqlamagani sabab bo‘lgan.
Mashinalar haydovchilariga birinchi tez tibbiy yordam ko‘rsatilgan. Hodisa oqibatida og‘ir tan jarohati olgan fuqarolar yo‘q.
