Fransiya Prezidenti O‘zbekistonga tashrif buyuradi
Rasmiy tashrif noyabr boshida amalga oshiriladi.
Fransiya prezidenti Emmanuyel Makron Qozog‘istonga tashrifidan so‘ng 2 noyabr kuni O‘zbekistonga keladi. Bu haqda AFP xabar bermoqda.
"Fransiya bu ikki davlatni islohot va modernizatsiya yo‘lida qo‘llab-quvvatlashga, xalqaro munosabatlarni diversifikatsiya qilishga hissa qo‘shishga, ularning mustaqilligi va suverenitetini, shuningdek, Yevropa bilan munosabatlarni mustahkamlash niyatini qo‘llab-quvvatlashga tayyor", — deyiladi xabarda.
Yelisey saroyi Qozog‘iston va O‘zbekistonni Fransiyaga yaqinlashtirishdan maqsad «iqtisodiy sohada, xususan energetika sohasida, muhim materiallar yetkazib berish, transport, sog‘liqni saqlash, qishloq xo‘jaligi va mudofaa sohalarida hamkorlik qilish» ekanini taʼkidlagan.
Eslatib o‘tamiz, Makron O‘zbekiston mustaqilligining 32 yilligi munosabati bilan yo‘llagan bayram tabrigida mamlakatga kelishi haqida maʼlum qilgandi.
