AQSh Prezidenti yana "qovun tushirdi"
U Kanada Bosh vazirining ismini o'ziniki bilan adashtirdi.
AQSh Prezidenti Jo Bayden yana xato qilib, Kanada Bosh vaziri Jastin Tryudoni o‘z ismi bilan chaqirdi. Ikki siyosatchining uchrashuvi aks etgan videoni Oq uy e'lon qildi.
AQSh rahbari Kanada bosh vaziri bilan Amerika qit’asining iqtisodiy farovonlik yo‘lidagi hamkorligi sammiti doirasidagi uchrashuvda noqulay vaziyatga tushib qoldi.
Amerika rahbari oʻz nutqi davomida qoʻshni davlat hukumati rahbariga minnatdorchilik bildirishga qaror qildi, biroq uning ismini o'ziniki bilan adashtirib yubordi.
"Bosh vazir Jo va prezidentga minnatdorchilik bildiraman... Bosh vazir Tryudoga minnatdorchilik bildiraman", — dedi Bayden.
Eslatib o‘tamiz, avvalroq Amerika Prezidenti Hindiston bosh vaziri Narendra Modi bilan uchrashuvda o‘z pozitsiyasini chalkashtirib yuborgan va uni mamlakat prezidenti deb atagan edi.
