Yangi Dehlida avtomobillar harakati cheklandi
Taqiq havo ifloslanishi tufayli joriy etilgan.
Hindiston poytaxti rasmiylari havo ifloslanishi bilan kurashmoqchi. Shu bois Yangi Dehlida transport cheklovlari joriy etildi. Ushbu taqiq dushanba kunidan boshlab bir hafta davomida amal qiladi.
Dushanba, chorshanba, juma va yakshanba kunlari yo‘llarda faqat davlat raqamlari toq son bilan tugaydigan transport vositalarining harakatlanishiga ruxsat berildi. Raqamlari juft son bilan tugaydiganlar mashinalar haftaning seshanba, payshanba va shanba kunlari harakatlanadi.
Mutaxassislar bu taqiq mamlakat iqtisodiyotiga katta zarar keltirishini aytmoqda. Yaʼni bu bir hafta davomida deyarli 10 million kishining hayotini qiyinlashtiradi. Transport sohasiga ham katta zarar ko‘radi. 50 million tonnadan ortiq yuk o‘z vaqtida yetkazib berilmaydi.
