Efiopiyada bezgak avj oldi
Aholining katta qismi sog‘liqni saqlash xizmatlaridan foydalana olmaydi.
Efiopiyada bezgak bilan kasallanish bo‘yicha 156 ming holat qayd etildi. Ulardan 90 ming nafari testlar bilan tasdiqlangan.
Ushbu maʼlumotlar Oromiya shifokorlar uyushmasi tomonidan so‘nggi uch oy davomida taqdim etilgan. Oktyabr oyidan beri qurbonlar soni 45 kishini tashkil etadi. Bu tibbiy xizmatlar sifati bilan ham bog‘liq, deyiladi tashkilot hisobotida. Efiopiyaning 70 million aholisining aksariyati sog‘liqni saqlash xizmatlaridan foydalana olmaydi yoki tizim umuman mavjud bo‘lmagan qishloq joylarda yashaydi. Bezgak ushbu Afrika davlatida yuqori o‘limning asosiy sabablaridan biridir. Har yili deyarli 100 ming efiopiyalik ushbu virusdan vafot etadi.
