Shvetsiya Turkiyaga terrorga qarshi kurash rejasini taqdim etadi
Bu NATOga aʼzolik jarayoni doirasida amalga oshiriladi.
Shvetsiya NATOga aʼzolik jarayoni doirasida Turkiyaga terrorizmga qarshi kurash bo‘yicha yo‘l xaritasini taqdim etadi.
Turkiya Buyuk Millat Majlisi (parlamenti) tashqi ishlar qo‘mitasi Shvetsiyaning NATOga aʼzo bo‘lishi haqidagi protokolni tasdiqlovchi qonun loyihasini muhokama qilishni kechiktirishga qaror qildi.
Oktyabr boshida Turkiya prezidenti Rajab Toyyib Erdog‘on Shvetsiyaning alyansga kirishi haqidagi protokolni imzolagan edi.
Maʼlumotlarga ko‘ra, Turkiya tashqi ishlar vaziri o‘rinbosari Akchapar yig‘ilishda so‘zga chiqib, Shvetsiyaning Shimoliy Atlantika alyansiga qo‘shilishi “Yevropatlantika mintaqasini xavfsizroq qilishini” hamda Anqara va Stokgolm o‘rtasidagi ikki tomonlama munosabatlarni rivojlantirishga ham hissa qo‘shishini aytdi.
OAV maʼlumotlariga ko‘ra, Shvetsiya Turkiyaga terrorga qarshi kurashda zimmasiga olishi kerak bo‘lgan masʼuliyat va qadamlardan iborat yo‘l xaritasini taqdim etadi.
