Ertadan ayrim metro bekatlarining ish vaqti qisqaradi
Yerusti metro yo‘nalishida texnik ishlar rejalashtirilgan.
Toshkent metropoliteni “Yerusti halqa yo‘li” yo‘nalishining II bosqichidagi Quruvchilar dahasidan Sergeli mavzesigacha bo‘lgan Turon (13-bekat) va Qipchoq (14-bekat) metro bekatlarini ishga tushirish maqsadida yo‘nalishdagi boshqa mavjud bekatlar bilan texnik jihatdan o‘zaro bog‘lash ishlarini tashkillashtirish rejalashtirilgan.
Rejadagi ishlarni amalga oshirish uchun joriy yilning 25-noyabr sanasidan "Yerusti halqa yo‘li" yo‘nalishining Texnopark (Do‘stlik-2) va Yashnobod (2-bekat) bekatlari ish rejimi soat 6:00 dan 22:00 ga qadar tashkil etiladi.
Shuningdek, Tuzel (3-bekatidan) Quruvchilar (12-bekat) bekatigacha bo‘lgan bekatlar oralig‘ida ish rejimi o‘zgarmagan holda 05:00 dan 23:00 ga qadar tashkil etiladi.
