Magadanda migrantlarga jamoat transportini boshqarish taqiqlandi
Transport kompaniyalari migrantlarni uch oy ichida ishdan bo‘shatishlari kerak.
Kolimada mehnat migrantlariga bir yil davomida jamoat transportini boshqarish taqiqlanadi.
Magadan viloyati gubernatori Sergey Nosov 2024 yilda patent bilan ishlaydigan xorijliklarni taksi va ijaraga olingan avtomobillarda hamda avtobuslarda muntazam tashishga jalb qilishni taqiqlovchi farmonni imzoladi.
Farmon viloyat hokimligining huquqiy axborot portalida eʼlon qilindi.
“Ushbu farmonning 1-ilovasiga muvofiq, 2024 yilda Magadan viloyatida faoliyat yurituvchi tadbirkorlik subyektlari tomonidan ayrim faoliyat turlariga patentlar asosida mehnat faoliyatini amalga oshiruvchi xorijiy fuqarolarni ishga joylashtirishni taqiqlash belgilansin”, — deyilgan hujjatda.
Farmonning 1-ilovasida yo‘lovchilarni taksi va avtobuslarda tashish sanab o‘tilgan. Transport kompaniyalari migrantlarni uch oy ichida ishdan bo‘shatishlari kerak.
Maʼlumot uchun, Kolima o‘lkasi - Kolima daryosi havzasi va Oxot dengizining shimoliy qirg‘og‘ini qamrab olgan Rossiyaning shimoli-sharqidagi tarixiy mintaqa. Kolima o‘lkasi hududi shartli ravishda Magadan viloyatining butun hududidan va Yakutiyaning shimoli-sharqiy viloyatlaridan iborat.
