Sud model qizga tegajog‘lik qilganlikda ayblanayotgan Ronalduga nisbatan hukm chiqardi
Sud jarayon 2018 yilning sentyabrida boshlangandi.
Sud zo‘rlashda ayblanayotgan hujumchi Ronalduga nisbatan hukm chiqardi. Britaniyaning "Daily Mail" nashri xabariga ko‘ra, 38 yoshli portugaliyalik futbolchi butunlay oqlangan.
Krishtianuga qarshi ayblovni model Ketrin Mayorga eʼlon qilgan. Mayorganing advokatlari ishni qayta ochishga yana bir bor urinib ko‘rdi, ammo sud ularni rad etdi.
Eslatib o‘tamiz, model Ketrin Mayorga Ronalduni zo‘ravonlikda ayblab, daʼvo arizasi yozgandi, biroq modelning daʼvosi sud tomonidan rad etildi.
Jarayon 2018 yilning sentabrida boshlangan. Mayorgaga ko‘ra, 2009 yil iyun oyida Ronaldu mehmonxonada Mayorgani zo‘rlagan. Model bo‘lib o‘tgan voqealarni hech kimga aytmagani uchun Ronaldudan 375 ming AQSH dollar olganini aytgan.
Keyinchalik portugaliyalik futbolchi Mayorgaga haqiqatdan ham pul berganini tan olgan, lekin zo‘rlash faktori haqiqatga to‘g‘ri kelmasligini maʼlum qilgan.
2021 yil aprelida Mayorga Ronaldudan maʼnaviy zarar uchun tovon puli sifatida 65 million yevro talab qilgan, biroq modelning ayblovi o‘z isbotini topmagan. 2022 yil iyun oyida uning daʼvosi rad etildi — sudya Jennifer Dorsi daʼvogarni noto‘g‘ri xatti-harakatlari va o‘g‘irlangan maxfiy hujjatlardan foydalangani sabab bu ishni rad etdi.
