Andijonda matbuot kotiblariga oylik berilmayaptimi?
Rasmiylar tarmoqdagi xabarlarga munosabat bildirdi.
Ijtimoiy tarmoqlarda Andijon viloyati va tumanlarda matbuot xodimlarining oylik maoshi to‘lanmayotgani aytilgan xabar tarqaldi. Holatga viloyat hokimligi matbuot kotibi Muslim Ibrohimov izoh berdi.
Qayd etilishicha, viloyat hokimligi matbuot xizmatida bunday holat mavjud emas. Har bir xodim uchun maoshlar o‘z vaqtida to‘lanmoqda. Shuningdek, hozirda shahar va tumanlardagi hech bir matbuot xizmati tomonidan bu masalada muammo borligi aytilmagan.
"Mazkur xabar matbuot sohasining boshqa bir qismiga tegishli ekani taxmin qilinadi. Agarda manzil yoki tizim aniq maʼlum qilinsa, viloyat hokimligi mazkur masala yechimiga tegishli tartibda ko‘maklashishga tayyorligini bildiradi", deyiladi xabarda.
