O‘zbekiston va IHT afg‘on xalqiga yordam ko‘rsatish masalasini muhokama qildi
O‘zbekiston prezidentining va IHTning maxsus vakillari Islom hamkorlik tashkilotiga aʼzo davlatlarning Afg‘oniston bo‘yicha yaxlit pozitsiyasini ishlab chiqish yuzasidan fikr almashdi.
O‘zbekiston prezidentining va IHTning maxsus vakillari Islom hamkorlik tashkilotiga aʼzo davlatlarning Afg‘oniston bo‘yicha yaxlit pozitsiyasini ishlab chiqish yuzasidan fikr almashdi.
O‘zbekiston prezidentining Afg‘oniston bo‘yicha maxsus vakili Ismatulla Ergashev Islom hamkorlik tashkilotining (IHT) Afg‘oniston bo‘yicha maxsus vakili Tariq Baxit bilan uchrashdi.
TIV maʼlumotiga ko‘ra, muloqot chog‘ida Afg‘onistondagi bugungi vaziyat va IHTga aʼzo davlatlarning yaxlit pozitsiyasini ishlab chiqish yuzasidan atroflicha fikr almashildi.
Tomonlar Afg‘onistonda inson huquqlari, ayniqsa, ayollar va qizlar huquqlarini taʼminlash, qish mavsumi oldidan afg‘on xalqiga insonparvarlik yordam ko‘rsatish borasidagi saʼy-harakatlarni muvofiqlashtirish zarurligini muhokama qildi.
