Olmatada hostel yonib ketdi, 13 kishi halok bo‘ldi
Yong‘in salkam bir soatda o‘chirilgan.
Olmata shahri Favqulodda vaziyatlar departamentiga 30 noyabr kuni soat 05:33 da Adi Sharipov ko‘chasida yong‘in sodir bo‘lgani haqida xabar kelib tushgan. Birinchi o‘t o‘chirish bo‘limi voqea joyiga 7 daqiqa ichida yetib borgan.
“1-qavati va yerto‘lasi yotoqxonaga aylantirilgan 3 qavatli turar joy binosi yonayotgani aniqlandi. Dastlabki maʼlumotlarga ko‘ra, yong‘inning umumiy maydoni 30 kvadrat metrni tashkil etadi. Ko‘rilgan choralar bilan yong‘in soat 06:22 da o‘chirildi”, — deyiladi departament xabarida.
Dastlabki maʼlumotlarga ko‘ra, yong‘inni tekshirish va o‘chirish jarayonida 13 kishining jasadi topilgan. Hozir ularning shaxsi aniqlanmoqda. Ular is gazidan zaharlanib vafot etgan.
