Dubayda prezidentlar Lukashenko bilan suratga tushmadi
Uchta davlat rahbari bundan bosh tortgan.
Dubayda bo‘lib o‘tayotgan iqlim sammitida bir nechta prezidentlar Belarus rahbari Lukashenko bilan suratga tushishdan bosh tortdi. Bu haqda LRT nashri xabar berdi.
Qayd etilishicha, Litva prezidenti Gitanas Nauseda Aleksandr Lukashenko ishtirok etgani sababli boshqa davlat yetakchilari bilan suratga tushishdan bosh tortgan.
“Bu oilaviy surat deb ataladi. Lukashenko biz tegishli bo‘lishni istagan oilaga aloqador emas”, — deydi Nauseda.
Litva prezidenti bilan birga Latviya va Polsha prezidentlari Edgars Rinkevich va Anjey Duda birgalikda suratga tushishdan bosh tortdilar.
