Andijonda maktab direktorlari dam olish kuni majlisga chaqirilgani aytildi
Holatga rasmiylar munosabat bildirdi.
Ijtimoiy tarmoqlarda Andijon viloyatida maktab direktorlari shanba kuni yig‘ilishga jalb qilinayotgani haqida xabarlar tarqaldi. Holatga viloyat Maktabgacha va maktab taʼlimi boshqarmasi munosabat bildirdi.
Qayd etilishicha, maktab va maktabgacha taʼlim muassasalari faoliyatiga ko‘maklashish, maktablarda taʼlim sifati samaradorligi oshirish hamda maʼnaviy muhitni yana-da yaxshilash maqsadida 2 dekabr kuni Andijon viloyatidagi taʼlim muassasalari rahbarlari ishtirokida yig‘ilish o‘tkazilishi rejalashtirilgan.
Ammo mazkur yig‘ilishda taʼlim muassasalari vakillariga qulaylik yaratish hamda xavfsizlik nuqtayi nazaridan ZOOM platformasi orqali ishtirokchilar o‘z ish joylaridan qatnashishlari belgilangan.
"Ijtimoiy tarmoqlarda iddao qilinganidek shanba kuni taʼlim muassasalari uchun dam olish kuni emasligi, ularda faoliyat ko‘rsatayotgan rahbarlarga shanba kunlari uchun ham belgilangan tartibda oylik ish haqlari hisoblanishini maʼlum qilamiz", deyiladi rasmiy izohda.
