Samarqandda ham salkam 50 kishi qo‘lga olindi
Ularning 25 nafariga maʼmuriy qamoq jazosi qo‘llangan.
Samarqand viloyatida “Dolzarb 40 kunlik” maxsus profilaktik tadbirlari doirasida jinoiy guruhlarga aʼzo bo‘lgan, ijtimoiy muhitga salbiy taʼsirini o‘tkazishga uringan bir necha shaxslar qo‘lga olinmoqda.
Maxsus xizmat va huquq-tartibot idoralar tomonidan o‘tkazilgan reyd tadbirlari davomida 47 nafar jinoiy guruh aʼzolari qo‘lga olinib, ularning 6 nafariga nisbatan jinoyat ishi qo‘zg‘atildi, 25 nafari maʼmuriy tartibda qamoqqa olindi.
Reyd tadbirlarida ushbu shaxslardan giyohvandlik va psixotrop vositalar, sovuq qurollar (kastet, bita va b.) protsessual tartibda rasmiylashtirilib olindi.
Hozirda maxsus-reyd tadbirlari davom ettirilmoqda.
