Qalin tuman sabab ayrim aeroportlar faoliyati cheklandi
Ayrim reyslar boshqa aeroportga yo‘naltiriladi.
Qalin tuman tufayli Farg‘ona, Namangan va Samarqand aeroportlarida reyslarni qabul qilish va jo‘natishga cheklov kiritildi.
Irkutsk – Farg‘ona yo‘nalishi bo‘yicha SBI-6323 reysini amalga oshirayotgan S7 Airlines samolyoti belgilangan aeroportdagi noqulay ob-havo sharoiti tufayli mahalliy vaqt bilan soat 23:27 da Namangan aeroportidagi muqobil aerodromga qo‘ndi. Aviakompaniya qaroriga ko‘ra, 177 nafar yo‘lovchi Farg‘onaga yer usti transporti orqali yetkaziladi.
Biroq soat 00:10 dan boshlab Namangan aeroportini ham quyuq tuman qopladi. Samolyotlarni qabul qilishda vaqtinchalik cheklovlar joriy etildi.
Agar noqulay ob-havo sharoiti saqlanib qolsa, reyslar respublikaning boshqa yaqin aeroportlariga yo‘naltiriladi.
