Qashqadaryoda ham “zapravka”lar ish vaqti cheklandi
Endi AGTKSHlar 9 soat xizmat ko‘rsatadi.
Bugun, 8 dekabrdan Qashqadaryo viloyatida avtomobillarga gaz to‘ldirish kompressor shoxobchalariga tabiiy gazni yetkazib berish ertalab soat 06:00 dan 15:00 ga qadar belgilandi. Bu haqda Qashqadaryo viloyati hokimligi Axborot xizmati maʼlum qildi.
"Viloyatimizdagi barcha haydovchilardan o‘z avtoulovlariga gaz to‘ldirishda har kunlik belgilangan 06:00 – 15:00 vaqt oralig‘ida gaz to‘ldirish ishlarini texnika xavfsizligi qoidalari asosida amalga oshirishlarini so‘raymiz", deyiladi xabarda.
AGTKSHlar faoliyatida jadvaldan tashqari o‘zgarishlar kuzatilsa, qo‘shimcha maʼlumotlar berilishi maʼlum qilindi.
