Emeri jamoasining muvaffaqiyat siri nimada?

"Aston Villa" bir vaqtning o‘zida ajoyib rekord o‘rnatdi. Shanba kuni “Arsenal” Angliya chempionatida peshqadamlikni boy berdi. Jamoa o‘z maydonida “Aston Villa”ni mag‘lub eta olmadi. Uchrashuvni mezbonlar ancha kuchli boshlashdi. “Arsenal”ning pressingi avvaliga ish bermadi. "Aston Villa" futbolchilari esa bu bosimni yengib o‘tishdi va ular ham hujum qilishni boshlashdi. Makginning yettinchi daqiqada urgan goli esa yakunda jamoaga g‘alaba keltirdi.

 

“Arsenal” futbolchilaridan birortasi qo‘pol xatoga yo‘l qo‘ymagan bo‘lsada Emeri qo‘llagan chiroyli taktika barchasini "Aston Villa" tarafiga hal qildi. Tezkor paslar Makginning o‘zida bir nechta yaxshi imkoniyatlar yaratishga sabab bo‘ldi.

 

Birinchi bo‘limning oxirida chap qanotdan qilingan hujumlar evaziga “Arsenal” ustunlikka ega bo‘ldi. Bir epizodda jamoa uyushtirgan hujum natijasida to‘p deyarli darvoza chizig‘ini kesib o‘tdi. Chap qanotdan bo‘lgan yana bir uzatmadan so‘ng tashkil etilgan hujum ham natijasiz yakunlandi.

 

Ikkinchi bo‘lim ham xuddi shunday shiddatli davom etdi. Hamda yana mehmonlarda ko‘proq imkoniyatlar bo‘ldi. Ko‘p o‘tmay, to‘p “Villa” jamoasining darvoza ustuniga tegib maydonga qaytdi. So‘ngra Saka gol urdi, ammo ingliz futbolchisi biroz ofsaydda qolgani uchun gol bekor qilindi. “Arsenal” bosh murabbiyi qo‘ldan boy berilgan vaziyatlarni ko‘rib, yuzini changalladi. Arteta o‘yinda sariq kartochkalar sababli diskvalifikatsiya qilindi.

 

“Arsenal”da qaytish uchun yetarlicha imkoniyatlar bo‘ldi (12 zarba, beshtasi aniq), lekin gol ura olmadi. Ayni vaqtda APL turnir jadvalida “Arsenal”dan bir ochko oldinda borayotgan «Liverpul» yetakchilik qilmoqda. "Aston Villa" esa amaldagi chempionni ham, vise-chempionni ham uch kun ichida mag‘lub etib, jadvaldagi o‘rnini mustahkamlab oldi. Shu bilan birga, ular uy uchrashuvlarida qatorasiga 15-g‘alabasini qo‘lga kiritishdi. Bu top bo‘lmagan klublar uchun eng ajoyib rekord hisoblanadi.