O‘zbekiston antidoping agentligi yuqori natija qayd etdi
Tashkilot dunyo mamlakatlari orasida kuchli 1-guruhga kirdi.
O‘zbekiston Milliy antidoping agentligi dunyodagi 206 ta mamlakatlar orasida kuchli 1-guruhga kiritildi.
Jahon antidoping agentligi (WADA) tomonidan 206 ta davlatlardagi Milliy antidoping tashkilotlar faoliyatini 4 guruhga bo‘lingan holda baholab boriladi.
1-guruh yuqori, 2-guruh yaxshi, 3-guruh qoniqarli va 4-guruh qoniqarsiz. O‘zbekiston bu guruhlardan antidoping sohasida yosh mamlakat bo‘lishiga qaramay, 1-guruh, yaʼni faoliyati yuzasidan yuqori natijalar qayd etgan mamlakatlar qatoridan joy oldi.
Bu guruhda MDH mamlakatlaridan O‘zbekiston, Belorussiya, Rossiya va Qozog‘iston joy olgan bo‘lsa, Ozarbayjon, Armaniston, Qirg‘iziston 2-guruhdan, Tojikiston, Turkmaniston va Maldova 3-guruhdan joy olgan.
