Altsgeymer kassaligining yangi belgisi topildi
U vaqtni idrok etish bilan bog‘liq.
Italiyaning Rim universiteti olimlari Altsgeymer kasalligining rivojlanish xavfini aniqlash uchun yangi test ishlab chiqdi. U vaqtni idrok etishni baholashga asoslanadi.
Altsgeymer kasalligining dastlabki bosqichlarida bemorlarda vaqtni idrok etish buzilishi kuzatiladi. Ular uning borishidan xabardor bo‘lishni to‘xtatadilar va voqealarni to‘g‘ri xronologik tartibda tartibga sola olmaydilar.
Olimlarning taʼkidlashicha, bu holat aniq alomatlar paydo bo‘lishidan oldin boshlanishi mumkin. Mazkur o‘zgarishlar katta ehtimol bilan xotira susayishi bilan bog‘liq.
Tadqiqotda turli darajadagi kognitiv buzilishlari bo‘lgan 33 kishi, Altsgeymer kasalligi tasdiqlangan 13 kishi va 17 sog‘lom odam ishtirok etdi. Ko‘ngillilarning yoshi 55 yoshdan 86 yoshgacha bo‘lgan.
Ishtirokchilarga qizil to‘pning shaffof chashka ichiga va tashqarisiga maʼlum vaqt oralig‘ida sakrab tushishi aks etgan video namoyish etildi. Video olti marta ko‘rsatildi va yettinchisida ko‘ngillilar to‘p konteynerdan qachon sakrashi kerakligini aytishi kerak edi.
Aniqlanishicha, Altsgeymer kasalligi bilan og‘rigan bemorlar vazifani eng yomon bajargan. Olimlarning taxminiga ko‘ra, bu gippokamp faoliyatidagi buzilishlar bilan bog‘liq.
