Qirg‘iziston davlat bayrog‘iga o‘zgarish kiritildi
Prezident bu bo‘yicha qonunni imzoladi.
Qirg‘iziston prezidenti Sadir Japarov mamlakat bayrog‘ini o‘zgartirish to‘g‘risidagi qonunni imzoladi.
Endi mamlakat bayrog‘idagi quyoshning to‘lqinli nurlari to‘g‘ri holatda bo‘ladi, shuningdek, o‘tov tepasidagi liniyalar soni uchtadan to‘rttaga ko‘payadi.
Bayroqning eski versiyasidagi tasvir quyoshga emas, ko‘proq kungaboqarga o‘xshab ketgani sababli Prezident tashabbusi bilan o‘zgarish kiritilgan.
Qirg‘iziston davlat bayrog‘i tasviri tushirilgan barcha turdagi rasmiy hujjatlar amal qilish muddati tugagunga qadar kuchga ega bo‘ladi. Avtomobil davlat raqamlari va bayroq tasviri tushirilgan transport vositalarining guvohnomalari tegishli organ ularni almashtirish to‘g‘risida qaror qabul qilgunga qadar amal qiladi.
