Yaponiya mudofaa tizimini kuchaytirmoqchi
Mamlakat 2024- yil uchun ajratiladigan mudofaa byudjetini tasdiqladi.
Yaponiya 22-dekabr kuni 2024-yil uchun ajratiladigan mudofaa byudjetini tasdiqladi. Ushbu summa 54,25 milliard dollarni tashkil qilib, mamlakat uchun rekord daraja hisoblanadi.
Ma’lumotlarga ko‘ra, tasdiqlangan byudjet Yaponiyaning xavfsizlikni kuchaytirish maqsadidagi harbiy harajatlarini 5 yil davomida bir necha barobarga oshirish imkonini beradi. Ushbu byudjet summasi o‘tgan yilgi sarf-xarajatlardan taxminan 17 foizga oshgan.
Mudofaa vazirligining ta’kidlashicha, mamlakat asosan kiber salohiyatni kuchaytirish va ballistik raketalarga qarshi mudofaa kemalarini qurishga e’tibor qaratadi.
