Armaniston va Ozarbayjon tinchlik bo'yicha muzokara o'tkazdi
Bu haqda Armaniston bosh vaziri matbuot kotibi xabar berdi.
Armaniston bosh vaziri Nikol Pashinyan va Ozarbayjon Prezidenti Ilhom Aliyev Sankt-Peterburgda MDHga aʼzo davlatlar rahbarlarining norasmiy uchrashuvi doirasida Armaniston-Ozarbayjon tinchligiga oid masalalarni muhokama qildi. Bu haqda Armaniston bosh vaziri matbuot kotibi xabar berdi.
Rossiya Prezidenti matbuot kotibi Dmitriy Peskov ham Pashinyan va Aliyev tinchlik muzokaralarini yakunlash va yagona tinchlik shartnomasiga erishishga tayyor ekanliklarini bildirishganini ma’lum qilgan.
O‘tgan yili Yerevan va Boku Rossiya, AQSh va Yevropa Ittifoqi vositachiligida bo‘lajak tinchlik shartnomasini muhokama qila boshlagan edi. Ozarbayjon rahbari Ilhom Aliyev aytganidek, agar Yerevan o'z pozitsiyasini o'zgartirmasa, Ozarbayjon va Armaniston yil oxirigacha tinchlik shartnomasini imzolashi mumkin.
