Qozog‘iston mudofaa vaziri ishdan olindi: qaror 14 harbiy halok bo‘lganidan keyin qabul qilindi
Bundan avval Qosim-Jo‘mart Toqayev Mudofaa vazirligidagi ishlar holatini kompleks tekshirish uchun maxsus komissiya tuzishni topshirgan edi.
Qozog‘iston prezidenti Qosim-Jo‘mart Toqayev Daurn Kosanovni mudofaa vaziri lavozimidan ozod etdi. Tegishli farmon davlat rahbari tomonidan imzolandi.
General-leytenant aviatsiya Daurn Kosanov 2025-yil 8-iyundan buyon Mudofaa vazirligiga rahbarlik qilib kelayotgan edi.
Kadrlar bo‘yicha qaror Mang‘istau viloyatida o‘tkazilgan harbiy mashg‘ulotlar vaqtida 14 nafar harbiy xizmatchi halok bo‘lganidan bir necha kun o‘tib qabul qilindi. Fojia Kaspiy dengizida Qozog‘iston Harbiy-dengiz kuchlarining o‘quv mashg‘ulotlari vaqtida yuz bergan.
Bundan avval Qosim-Jo‘mart Toqayev Mudofaa vazirligidagi ishlar holatini kompleks tekshirish uchun maxsus komissiya tuzishni topshirgan. Komissiya, xususan, harbiy qismlarning moliyaviy va moddiy-texnik ta’minotini tekshirishi belgilangan.
Komissiya tarkibiga Xavfsizlik kengashi hamda Oliy auditorlik palatasi vakillari kiritiladi.
Kosanovning lavozimidan ozod etilgani haqidagi rasmiy xabarda qarorning sabablari ko‘rsatilmagan. Farmon imzolangan kundan kuchga kiradi.
