Pensiya tayinlashda qulayliklar yaratildi
Endilikda arizani onlayn yuborish mumkin.
Yagona portalda yoshga doir pensiya tayinlash uchun ariza topshirish bo‘yicha onlayn xizmat ishga tushirildi.
Xizmatdan foydalanish uchun my.gov.uz ga kirib tegishli xizmatni tanlash va so‘ralgan ma’lumotlarni to‘ldirgan holda ariza yo'llash lozim.
Xizmatning afzalliklari:
qulay: istalgan paytda va internetga kirish imkoniyati bo‘lgan joydan pensiya olish uchun ariza topshirish mumkin.
vaqtni tejaydi: kunlar navbat kutib o‘tkazilmaydi. Onlayn xizmat vaqtni tejash va natijani tezroq olish imkonini beradi.
oddiy: ariza topshirish jarayoni ancha sodda va tushunarli. Barcha zarur qadamlar va ko‘rsatmalar xizmat interfeysida keltirilgan.
Natija 10 ish kunida taqdim etiladi. Xizmatdan foydalanish bepul.
