O‘zbekiston TIVda Ukraina elchisi bilan uchrashuv bo‘lib o‘tdi
O‘zbekiston TIV rahbarining o‘rinbosari Belarus, Turkmaniston va Ukraina elchilari bilan ikki tomonlama hamkorlikni rivojlantirish istiqbollarini muhokama qildi.
O‘zbekiston tashqi ishlar vazirining o‘rinbosari Rahmatulla Nurimbetov Ukraina elchisi Mikola Doroshenko, Belarus elchisi Leonid Marinich va Turkmaniston elchisi Shadurdi Meredov bilan alohida uchrashuvlar o‘tkazdi.
TIV maʼlumotiga ko‘ra, muzokaralarda O‘zbekiston bilan ushbu davlatlar o‘rtasidagi siyosat va diplomatiya, savdo va investitsiya, transport va logistika, madaniyat va turizm sohalaridagi hamkorlik hamda xalqaro tuzilmalar doirasidagi munosabatlarini yana-da rivojlantirish istiqbollari muhokama qilindi.
Parlamentlararo va mintaqalararo aloqalarni mustahkamlashga alohida eʼtibor qaratildi.
Joriy yilda turli darajalarda o‘tkazilishi rejalashtirilgan qo‘shma tadbirlar jadvali va tashkiliy jihatlari yuzasidan fikr almashildi.
