Gretsiya qirg‘oqlarida muhojirlar jasadi topildi
Mamlakat qo‘riqlash xizmati 18 migrantni qutqarishga muvaffaq bo‘lgan.
Gretsiya qirg‘oq qo‘riqlash xizmati kecha Lesbos oroli yaqinida 18 muhojirni qutqarib qoldi. Shuningdek, hududdan ikki kishi, jumladan bir ayol va bir erkakning jasadi topilgan.
Migrantlarning orolga Egey dengizidagi kuchli shamollar payti qayiqda yetib kelgani taxmin qilinmoqda.
Muhojirlarning so‘zlariga ko‘ra, bortda jami hisobda 36 ga yaqin odam bo‘lgan. Shu bois, sohil qo‘riqchilari va politsiya xodimlari qirg‘oqda qidiruv ishlarini davom ettirgan. Ammo mutasaddilar hozircha hech kim topilmaganini taʼkidlamoqda.
