“Jinoyatchi qonun doirasidagi eng og‘ir jazoga tortiladi” — Saida Mirziyoyeva Namanganda 5 yoshli qizcha zo‘rlangani haqida
Bunday jinoyatlar uchun jazoni kuchaytirish masalasi ko‘rib chiqilayotgani bildirildi.
Namanganda 5 yoshli qizchaning zo‘rlanishi yuzasidan Saida Mirziyoyeva munosabat bildirdi. U voqea tafsilotlaridan xabar topgach, jinoyatdan chuqur g‘azablanganini ma’lum qildi.
«Nazarimda, bunday vahshiyona jinoyatlar uchun o‘lim jazosini qo‘llash kerak», — deya yozdi Saida Mirziyoyeva.
Uning qayd etishicha, amaldagi qonunchilikda o‘lim jazosi nazarda tutilmagan. Shu sababli javobgarlikni maksimal darajada kuchaytirish maqsadida qonun hujjatlariga tegishli o‘zgartirishlar kiritish bo‘yicha taklif tayyorlanmoqda.
Shuningdek, mas’ul idoralarga zarur ko‘rsatmalar berilgani bildirildi.
“Jinoyatchi qonun doirasidagi eng og‘ir jazoga tortiladi” — deya ta'kidladi Prezident administratsiyasi rahbari.
Bundan tashqari, voqeaning oldini olishda beparvolikka yo‘l qo‘ygan va voyaga yetmagan bolani himoya qila olmagan mas’ullar ham jazolanishi aytildi.
