Andijonda gaz balloni omborida yong‘in chiqdi
Viloyat hokimligi holat bo‘yicha maʼlumot berdi.

Kecha, 12-yanvar kuni Andijon viloyati Bo‘ston tumanidagi gaz balloni omborida yong‘in yuz berdi.
Viloyat hokimligi xabariga ko‘ra, Bo‘ston tumani gaz taʼminoti bo‘limi tasarrufidagi suyultirilgan gaz ballonlari saqlanuvchi omborda yong‘in sodir bo‘lgan.
Ushbu yong‘in gaz ballonlaridan birida ro‘y bergan chaqnashdan kelib chiqqan. Hozirda yong‘in FV xodimlari tomonidan to‘liq o‘chirildi.
Hodisa oqibatida bir nafar inson yengil tan jarohati olgani aytilmoqda. Qurbonlar yo‘q.







