AQSH Yamandagi husiylarga yana hujum qildi
Kecha ham Buyuk Britaniya bilan hamkorlikda qurolli hujum uyushtirilgandi.
Yaman poytaxti Sana shimolida Amerika qo‘shinlari tomonidan yangi havo hujumlari uyushtirildi. AQSH rasmiysiga ko‘ra, u husiylar foydalanadigan radar obyektlariga qaratilgan.
Bir kun oldin Sanadagi o‘nga yaqin nishonga AQSH va Britaniya kuchlari hujum qilgandi. Bu husiylarning Qizil dengizdagi xalqaro yuk tashish yo‘llariga o‘t ochish harakatlarini to‘xtatishga qaratilgandi.
Agar husiylar Qizil dengizdagi tijoriy kemalarga uchuvchisiz samolyotlar va raketa hujumlarini amalga oshirishda davom etsa, AQSH qo‘shimcha harbiy choralar ko‘rish bilan tahdid qildi.
