«Bavariya» Tuxelni isteʼfoga chiqarmaydi
U mavsum oxirigacha qoladi.
«Bavariya» mavsum oxirigacha murabbiyni almashtirishni rejalashtirmayapti. Jurnalist Kerri Hauning yozishicha, klub rahbariyati mavsumni Tomas Tuxel bilan yakunlashni rejalashtirgan.
Klub rahbarlari Tuxelning ommaviy bayonotlaridan norozi bo‘lishiga qaramay, uning professional fazilatlariga ishonch bildirmoqda. Qolaversa, «Bavariya» ustozi sport direktori Kristof Froynd bilan yaxshi munosabatda.
Taʼkidlanishicha, «Bavariya»ning ayrim futbolchilari Tuxeldan norozi, ammo unga mutaxassis sifatida ishonch bildirishmoqda. Xabarlarga ko‘ra, agar germaniyalik murabbiy mavsum oxirida jamoani tark etsa, klub «Bayer» ustozi Xabi Alonsoni tayinlash imkoniyatini ko‘rib chiqadi.
«Bavariya» 18-turdan keyin Bundesliga turnir jadvalida peshqadam «Bayer»dan 4 ochkoga ortda qolib, 2-o‘rinda bormoqda.
