Qatar-2023 Osiyo kubogi rekordini yangiladi
Bu musobaqaga muxlislar tashrifi bilan bog‘liq.
Qatarda o‘tayotgan Osiyo kubogi-2023 bahslari tomoshabinlar tashrifi bo‘yicha turnir tarixida yetakchilik qilmoqda.
Jumladan, “Al-Bayt” stadionida o‘tgan nimchorakfinal doirasidagi Qatar – Falastin (2:1) o‘yinidan Osiyo kubogi-2023 bahslarini kuzatish uchun stadionga tashrif buyurgan muxlislar soni 1 milliondan oshgani eʼlon qilindi. Xususan, hozirgacha stadionga tushgan tomoshabinlar soni jami 1 068 587 nafarga yetgan. Bu Osiyo kubogi tarixidagi rekordga aylandi. Oldinda hali finalgacha qator o‘yinlar bor.
Maʼlumot uchun, BAAda o‘tgan Osiyo kubogi-2019 da o‘yingohga yig‘ilgan jami tomoshabinlar soni 644 307 nafarni tashkil etgandi.
