“Real” Mbappe bilan birga yana uchta yulduzni transfer qiladi
Klubning rejalari jiddiy.
“Real” joriy mavsum yakunlanganidan keyin tarkibini to‘rt nafar futbolchi bilan kuchaytirishga qaror qildi.
Xabarlarga ko‘ra, madridliklarning asosiy nishoni hamon «PSJ» forvardi Kilian Mbappe bo‘lib turibdi.
Manbaning taʼkidlashicha, 25 yoshli futbolchi bilan muzokaralar davom etmoqda, biroq tomonlar asosan maosh borasida bir to‘xtamga kela olmayapti. Madridliklar to‘purarga bir mavsum uchun 30 million yevro atrofida maosh bermoqchi. «PSJ» esa Mbappege reklama va boshqa to‘lovlarsiz xizmat haqi sifatida 100 million yevro taklif qilyapti.
“Qirollik klubi” yozgi transferlar oynasida «Nyukasl»dan Bruno Gimaraynsh, «Bavariya»dan Alfonso Devis hamda “Manchester Siti”ga tegishli, ammo mavsumni ijara asosida «Jirona» safida o‘tkazayotgan himoyachi Yan Koutuni ham olishni rejalashtirmoqda.
