Jahonning eng chopqir marafonchisi avtohalokat qurboni bo'ldi
Sportchi bilan birga uning murabbiyi ham hayotdan ko'z yumgan.
Keniyalik marafonchi va jahon rekordchisi Kelvin Kiptum avtohalokatda vafot etdi.
Sportchi boshqarayotgan avtomobil 11 fevral kuni Keniyaning Eldoret shahri yaqinida halokatga uchragan. Mahalliy politsiya ma’lumotlariga ko‘ra, Kiptum boshqaruvni yo‘qotib, yo‘ldan chiqib ketgan va daraxtga borib urilgan.
Kiptum bilan birga uning murabbiyi Jyerve Hakizimana ham vafot etgan. Mashinada bo‘lgan yana bir ayol tirik qolib, og‘ir jarohatlar bilan shifoxonaga yotqizilgan.
24 yoshda bo‘lgan Kiptum marafonda bir nechta jahon rekordlarini o‘rnatgan. Xususan, 2023 yil oktyabr oyida u Chikago marafonini 2 soat 35 soniyada bosib o‘tgan.
Kiptum yaqin kelajakda o‘z natijasini yaxshilash va bu masofani ikki soatdan kamroq vaqt ichida bosib o‘tgan birinchi marafonchi bo‘lishni rejalashtirgan edi.
