Para dzyudo: terma jamoamiz Xeydelberg Gran-Prisida kuchli to‘rtlikdan joy oldi
Bundan avval ayollar o‘rtasida J1 klassida-57 kg vazn toifasida Uljon Amriyeva oltin medalga sazovor bo‘gandi.
Germaniyaning Xeydelberg shahri mezbonlik qilgan para dzyudo bo‘yicha IBSA xalqaro Gran-pri turniri o‘z nihoyasiga yetdi.
Musobaqaning so‘nggi kuni ham vakillarimiz uchun omadli kechdi. Erkaklar o‘rtasida J2 klassida -90 kg vazn toifasida yana bir hamyurtimiz Dovurxon Karomatov ham barcha raqiblarini mag‘lub etgan holda oltin medalga sazovor bo‘ldi. Shuningdek, ayollar o‘rtasida J2 klassida +70 kg vazn toifasida bahs olib borgan sportchimiz Mohinur Parmonova bronza medalini delegatsiyamiz hisobiga qo‘shib qo‘ydi.
Shu tariqa O‘zbekiston terma jamoasi Xeydelberg Gran-prisini 2 ta oltin, 1 ta kumush va 4 ta bronza, jami 7 ta medal bilan yakunladi. Eʼtiborlisi, terma jamoamiz dunyoning 50 ga yaqin mamlakatidan 200 dan ortiq eng sara para dzyudochilar ishtirok etgan ushbu musobaqada umumjamoa hisobida 4-o‘rinni egalladi.
