Tojikiston poytaxtida «blekaut» sodir bo‘ldi
Hozirda uzilish sabablari haqida rasmiy ma’lumot berilmagan.
Tojikiston poytaxti Dushanbe shahrida elektr energiyasida uzilishlar kuzatildi. Bu haqda Asia-Plus xabar berdi.
Mahalliy vaqt bilan taxminan soat 11:10 da poytaxt elektr energiyasiz qolgan, aholi butun shahar bo‘ylab elektr energiyasi o‘chirilganini aytmoqda. Ayrimlar Dushanbening bir qator tumanlarida ham issiqlik ta’minotida uzilishlar kuzatilayotgani haqida xabar bermoqda. Bundan tashqari, uyali aloqa tizimida uzilish va internetga kirishda muammolar borligi aytilmoqda.
Eslatib o‘tamiz, 2022-yil 25-yanvar kuni O‘zbekiston, Qozog‘iston va Qirg‘izistonda elektr ta’minotida katta miqyosdagi uzilishlar sodir bo'lgan edi.
